Самы пажылы мужчына ў свеце святкуе 112-ы дзень нараджэння

• 5.02.2015, 14:46

Самы пажылы мужчына ў свеце, японец Сакар’я Мома святкуе ў чацвер 112-ы дзень нараджэння.

Аб гэтым піша The Wall Street Journal у сваім блогу аб Японіі.

Мома з'яўляецца жыхаром горада Сайтама і былым настаўнікам. Ён нарадзіўся ў прэфектуры Фукусіма 5 лютага 1903, гэта значыць у год, калі браты Уілбур і Орвіл Райт здзейснілі свой першы кіраваны палёт на апараце з рухавіком, цяжэйшым за паветра, гаворыцца ў артыкуле. Калі Мому споўнілася 42 гады, скончылася Другая сусветная вайна; яму споўнілася 66 гадоў, калі Ніл Армстронг высадзіўся на Месяц, адзначае выданне.

Як заяўляюць ўлады Сайтама, здароўе ў Момы па-ранейшаму добрае. Раней паведамлялася, што Мома харчуецца тройчы ў дзень, ён любіць есці рыбу і чытаць кнігі, піша gazeta.ru.

Самым пажылым чалавекам свету, паводле звестак Кнігі рэкордаў Гінеса, таксама з'яўляецца прадстаўніца Японіі. Гэта Місая Акава, якой у сакавіку споўніцца 117 гадоў.

Фота: AFP