Рассельгаснагляд знайшоў новыя парушэнні ў беларускім мясе

• 4.02.2015, 19:38

Рассельгаснагляд выявіў небяспечныя мікраарганізмы ў беларускай мясной прадукцыі.

Пра гэта сёння, 4 лютага, charter97.org паведамілі ў прэс-службе ўстановы.

«Падчас лабараторных даследаванняў у рэжыме маніторынгу ў партыі мяса кураняці, вырабленага прадпрыемствам Агракамбінат ААТ «Дзяржынскі», выяўленыя мезафільныя аэробныя і факультатыўна анаэробныя мікраарганізмы, у партыі ялавічыны ў чацвярцінах, вырабленай ААТ «Бярозаўскі МК», выяўленыя мезафільныя аэробныя і факультатыўна анаэробныя мікраарганізмы і бактэрыі групы кішачнай палачкі, у партыі мяса птушкі, вырабленай прадпрыемствам Філіял «Сервалюкс Агра» СЗАТ «Сервалюкс», выяўленыя мезафільныя аэробныя і факультатыўна анаэробныя мікраарганізмы.

Дзяржаўная ветэрынарная служба Беларусі папярэджаная аб недапушчальнасці такіх парушэнняў», - гаворыцца ў паведамленні.