Рассельгаснагляд зноў знайшоў небяспечную прадукцыю з Беларусі
- 4.02.2015, 11:41
Рассельгаснагляд выявіў новыя таварныя партыі небяспечнай мясной прадукцыі з Беларусі.
Пра гэта гаворыцца ў паведамленні ўстановы.
«Пры лабараторных даследаваннях у рэжыме маніторынгу ў партыі мяса кураняці, вырабленага прадпрыемствам Агракамбінат ААТ «Дзяржынскі», выяўленыя мезафільныя аэробныя і факультатыўна анаэробныя мікраарганізмы, у партыі ялавічыны ў чвэртках, вырабленых ААТ «Бярозаўскі МК», выяўлены мезафільныя аэробныя і факультатыўна анаэробныя мікраарганізмы і бактэрыі групы кішэчнай палачкі, у партыі мяса птушкі, вырабленай прадпрыемствам Філіял «Сервалюкс Агра» СЗАТ «Сервалюкс», выяўленыя мезафільныя аэробныя і факультатыўна анаэробныя мікраарганізмы.
Дзяржаўная ветэрынарная служба Беларусі папярэджаная аб недапушчальнасці падобных парушэнняў», - гаворыцца ў паведамленні.