Улады спужаліся пратэстаў грузаперавозчыкаў
- 4.02.2015, 10:15
Плошча Незалежнасці сёння раніцай была ачэпленая міліцыяй.
Па перыметры плошчы Незалежнасці ў Менску назіралася ўзмоцненая прысутнасць міліцыі і спецслужбаў.
Пра гэта паведамлялі карэспандэнты газеты «Наша Нiва».
На выхадах з метро былі ўзмоцненыя патрулі міліцыі. Каля Дома ўраду стаялі два аўтобусы са спецназам. А каля БДУ - «Газэль» спецведамства.
Нагадаем, група перавозчыкаў планавала выйсці 4 лютага да Дома ўрада, каб абараняць свае правы.
Аднак ініцыятар пратэсту, дырэктар адной з фірм Сяргей Штода 3 лютага тут жа быў затрыманы і асуджаны да 15 дзён арышту нібыта за «нецэнзурную лаянку».
У выніку пратэстоўцы на Плошчы сёння не з'явіліся.