Знойдзены аўтамабіль меркаваных забойцаў Барыса Нямцова
- 28.02.2015, 15:58
Аўтамабіль магчымых забойцаў палітыка быў прыпаркаваны ў двары аднаго з дамоў ля станцыі метро «Смаленская» ў Маскве.
Пра гэта паведамляе тэлеканал LifeNews.
Белы самаход быў прыпаркаваны ў двары аднаго з дамоў ля станцыі метро Смаленская. Супрацоўнікі праваахоўных органаў праводзяць агляд аўтамабіля.
Барыс Нямцоў быў забіты невядомымі з белага аўтамабіля падчас шпацыру каля Вялікага каменнага моста пад 23:40. Прагучалі прынамсі шэсць стрэлаў.
Паводле факту забойства палітыка распачатая крымінальная справа паводле двух артыкулаў КК РФ - «забойства» і «незаконны абарот зброі».
Прыхільнікі Барыса Нямцова звязваюць ягонае забойства з палітычнай дзейнасцю.