На будоўлі ў Мазыры ўпаў кран

• 23.02.2015, 21:36

Адна з разгляданых вэрсій - памылковыя дзеянні абслуговага пэрсаналу.

У суботу, 21 лютага, на будаўнічай пляцоўцы ў Мазыры адбылося надзвычайнае здарэнне.

- Удзень паступіла паведамленне пра тое, што адбылося падзенне стралы крана МКВС-100 (мантажны кран вусенны самаходны, грузападымальнасцю 100 тон). У выніку падзення стралы крана пацярпелых няма. Месца падзення стралы ачэпленае, праводзяцца мерапрыемствы для выяўлення прычын падзення стралы камісіяй Мазырскай інспэкцыі Гомельскай абласной управы Дзяржпрамнагляду, - паведамляе «Комсомольская правда в Беларуси» са спасылкай на сайт МНС.

Цяпер высвятляюць прычыны падзення.