Аліна Талай абыграла алімпійскую чэмпіёнку

• 21.02.2015, 11:05

На чэмпіянаце Беларусі ў лёгкай атлетыцы ў фінале бегу на 60 метраў Аліна Талай атрымала ўпэўненую перамогу, прабегшы дыстанцыю за 7,31 секунды.

Ззаду засталіся алімпійская чэмпіёнка Афін-2004 35-гадовая Юлія Несцярэнка - 7,38 і ўдзельніца чэмпіянатаў свету і Еўропы 26-гадовая Кацярына Ганчар - 7,42, піша «Прессбол».

У штурханні ядра перамог дасведчаны Павел Лыжын, якому атрымаўся штуршок за 20 метраў - 20,03. У жанчын першынствавала з найлепшым вынікам сезона ў Еўропе Юлія Леанцюк - 19 метраў.

Патройным скачком далей за ўсіх скокнуў Дзмітрый Платніцкі - 16,65 м, у Аляксея Цапіка - 16,48. У жанчын зноў скокнула за 14 метраў Наталля Вяткіна - 14,09.