«Яндэкс.Пошта» зламалася

• 20.02.2015, 11:14

Раніцай у пятніцу, 20 лютага, карыстальнікі «Яндэкс.Пошта» адзначылі адмову ў працы сэрвісу.

У сацсетках адзначаюць, што доступу да лістоў няма як праз вэб-інтэрфэйс, так і з мабільных прыкладанняў.

Прэс-служба кампаніі «Яндэкс» пацвердзіла «Ленте.Ру» няспраўнасць сэрвісу і паведаміла, што ідуць рамонтныя працы. Апошні раз падобная праблема назіралася 27 чэрвеня 2013 г.

Раней на гэтым тыдні кампанія «Яндэкс» падала скаргу на Google, запатрабаваўшы праверкі канкурэнта на парушэнне антыманапольнага заканадаўства РФ.