Ніягарскі вадаспад замерз трэці раз у гісторыі

• 19.02.2015, 15:29

Ніягарскі вадаспад амаль цалкам замерз праз нязвыкла нізкія для ЗША тэмпературы.

Але гэта не адпудзіла турыстаў, якія прыязджаюць паглядзець на восьмы цуд свету і адну з самых знакамітых славутасцяў Амерыкі. Вандроўцы імкнуцца сфатаграфаваць дзіўнае відовішча, піша Lenta.ru.

Да 2015 года Ніягарскі вадаспад замярзаў толькі двойчы: у 1848 і 1912 гадах. У 2014 годзе ў шэрагу СМІ таксама з'яўлялася інфармацыя аб тым, што найбуйнейшы вадаспад свету часткова замерз, але яна была крыху перабольшанай. На гэты раз усё сумленна: каскады вады ператварыліся ў гурбы, вялізныя ледзяшы і ледзяныя горы.

Фота: Lindsay DeDario / Reuters