На захадзе Расеі праходзяць вучэнні знішчальнай авіяцыі
- 18.02.2015, 14:12
Пад Санкт-Пецярбургам пачалася актыўная фаза вучэнняў знішчальнай авіяцыі.
Пра гэта паведаміў начальнік прэс-службы Заходняй вайсковай акругі палкоўнік Алег Качаткоў, паведамляе BBC.
З ягоных слоў, у вучэннях над Ладажскім возерам возьмуць удзел самалёты Су-34, Су-27, МіГ-29СМТ і МіГ-31БМ.
Пілоты правядуць баявыя стрэльбы, запуск кіраваных ракет, а таксама выканаюць шэраг элементаў паветранага бою.
Вучэнні працягнуцца да канца тыдня.