Лінкявічус: Час уводзіць новыя санкцыі супраць Расеі

• 16.02.2015, 14:47

Настаў час зрабіць больш жорсткімі санкцыі і ціск на Расею.

Пра гэта напісаў міністр замежных спраў Літвы Лінас Лінкявічус у сваім акаўнце ў сетцы мікраблогаў «Твітэр».

«На жаль, прагнозы апраўдаліся. Расея не мае жадання і намеру выконваць замірэнне, - заявіў ён. - Час узмацніць ціск, санкцыі і ізаляцыю Расеі».

Нагадаем, сёння ўвайшлі ў дзеянне новыя санкцыі ЕЗ у дачыненні да Расеі. У «чорны спіс» увайшлі дэпутаты Дзярждумы Іосіф Кабзон і Валерый Рашкін, намеснікі міністра абароны РФ, 14 сепаратыстаў і 9 сепаратысцкіх арганізацый ДНР і ЛНР.