Барацьба з «дармаедствам» адкладаецца

• 14.02.2015, 13:01

Дапрацаваны праект дэкрэта павінен быў з'явіцца ўчора, але пакуль яго так і няма.

- Вы не маглі б распавесці, як трэба будзе плаціць падатак на дармаедства? Калі чалавека звольняць і ён за паўгода не знойдзе працу, адразу на наступны дзень давядзецца ісці ў падатковую? - патэлефанавала карэспандэнт «Комсомольской правды в Беларуси» на жывую лінію да намесніка міністра падаткаў і збораў Васіля Камянко.

- Гэты падатак у розных формах разглядаецца, і да канчатковага варыянту далёка. Так што нам з вамі пакуль няма чаго абмяркоўваць, - адказаў Васіль Каменка.

- А казалі ж, што дакумент павінен з'явіцца даслоўна на днях...

- Магчыма, сёлета, магчыма, зацягнецца яго прыняцце. Ён разглядаўся ў кіраўніка дзяржавы і было даручана яго дапрацаваць, але там шмат спрэчных пытанняў і шмат такіх пытанняў, як вы задаяце. І сапраўды, калі разглядаць жыццёвыя сітуацыі, то не пад кожную падгоніш. Каб не дапусціць такіх перакосаў, як вы кажаце: звольнілі, шукае працу... Я думаю, што чалавек мае права шукаць, атрымліваецца - не атрымліваецца. Але ўсе тэрміны будуць вызначацца трохі пазней.