Генерал NATO: Пад Дэбальцавам - расейскае ўварванне

• 11.02.2015, 20:15

Спецыялісты ўзброеных сіл ЗША мяркуюць, што Расея наўпрост уварвалася на тэрыторыю Украіны, і яе войскі актыўныя пад Дэбальцавам.

Пра гэта заявіў начальнік амэрыканскіх сіл у Еўропе Бэн Ходжэс падчас свайго візіту на базу NATO ў горадзе Шчэцін на паўночным захадзе Польшчы, паведамляе Reuters.

"Гэта відавочна з колькасці ўніформы і тыпаў абсталявання, што мае месца дырэктыўнае расейскае вайсковае ўварванне каля Дэбальцава", - заявіў генэрал Ходжэс.

Ходжэс таксама адзначыў, што УС РФ сканцэнтравалі блізу 10 батальёнаў жаўнераў на расейска-ўкраінскай мяжы.