Новак Джокавіч перамог у Australian Open

• 1.02.2015, 16:39

Сербскі тэнісіст Новак Джокавіч пятым разам у кар'еры першынстваваў на спаборніцтвах у Мельбурне.

У фінале 27-гадовы лідар сусветнага рэйтынгу абыграў свайго брытанскага аднагодка Эндзі Марэя з лікам 7: 6 (5), 6: 7 (4), 6:3, 6: 0. Шостая ракетка свету Марэй біўся на роўных з Новакам да ліку 363 у трэцяй партыі, пасля чаго ўступіў у дзевяці геймах запар, піша sport.bigmir.net.

Сустрэча працягвалася тры гадзіны 44 хвіліны, за якія Джокавіч зрабіў дзевяць брэйкаў супраць пяці, восем эйсаў і адну двайную памылку. На рахунку Марэя дзесяць падач навылёт і тры падвойныя.

Серб працягвае ўпэўнена лідэраваць у асабістых сустрэчах гульцоў - 16: 8.

Тытул, здабыты Джокавічам у Аўстраліі, стаў для яго пятым у кар'еры. Усяго ж на рахунку ўраджэнца Белграда цяпер восем перамог на турнірах Вялікага шлема.