Польскі дыпламат: Польшча мае права дэмантаваць савецкія помнікі

• 1.12.2015, 11:53

Пасол Польшчы ў Расеі Катажына Пэлчынска-Налэнч заявіла, што Польшча не парушае міжнародныя абавязанні пры дэмантажы савецкіх помнікаў.

Заява амбасадаркі Польшчы Катажыны Пэлчынскай-Налэнч звязаная з пратэстам МЗС Расеі ў сувязі з дэмантажом помніка падзякі Чырвонай арміі ў польскім горадзе Мелец, паведамляе РБК.

Нагадаем, што ў горадзе Мелец на паўднёвым усходзе Польшчы дэмантавалі помнік падзякі Чырвонай арміі.

Манумент знаходзіўся каля ўваходу ў будынак гарадской адміністрацыі. Паводле звестак радыёстанцыі, у ноч на 28 лістапада з пастамента знікла фігура савецкага жаўнера, які трымае ў адной руцэ дзіцяці, а ў другой меч.