Беларусаў зазываюць у Чарнігаў адмысловымі зніжкамі
- 7.11.2015, 16:10
Атрымаць зніжку можна пасля дэманстрацыі беларускага пашпарта, пасведчання кіроўцы або студэнцкага білета.
Гэта звязана са значным змяншэннем патоку беларускіх «эканамічных турыстаў» ва Украіну, паведамляе «Радыё Рацыя».
Самы папулярны маркетынгавы ход - пры набыцці пэўнай колькасці тавараў прадавец прапануе скінуць 3-5% ад агульнага кошту.
На другім месцы - «падарунак ад фірмы» пры куплі, напрыклад, двух пар чаравік.
Таксама дзейнічаюць дысконтныя карткі «спецыяльна для беларусаў».
Паводле статыстыкі, беларусы склалі амаль 90% ад агульнай колькасці замежнікаў, якія пабывалі ў Чарнігаў цягам мінулага года. Але апошнім часам, з прычыны эканамічнага крызісу ў нашай краіне, колькасць іх значна скарацілася.