У Беларусь прыехалі прадстаўнікі Дзярждэпартаменту ЗША

• 4.11.2015, 15:26

Прадстаўнікі Дзярждэпартамента ЗША ў пытаннях Еўропы і ў пытаннях дэмакратыі ды правоў чалавека сустракаюцца з лідарамі беларускай апазіцыі.

У Менск прыехалі намеснік памочніка дзяржсакратара ЗША ў пытаннях Еўропы і Еўразіі Брыджыт Брынк і намеснік памочніка дзяржсакратара ў пытаннях дэмакратыі, правоў чалавека і працы Роберт Бершынскі, паведамляе БелаПАН.

Старшыня АГП Анатоль Лябедзька заявіў, што цяпер супрацоўнікі Дзярждэпу ЗША праводзяць сустрэчу з беларускай апазіцыяй.

29 кастрычніка Міністэрства фінансаў ЗША прадоўжыла да 30 красавіка 2016 года, але пры гэтым часткова змякчыла санкцыі ў дачыненні да шэрагу беларускіх прадпрыемстваў.