Нямеччына гатова адправіць у Сірыю 1200 вайскоўцаў

• 29.11.2015, 11:08

Для маючага адбыцца ўдзелу ў вайсковай аперацыі ў Сірыі Нямеччына можа накіраваць 1200 вайскоўцаў.

Выданне Die Welt прыводзіць словы генеральнага інспектара бундэсвера Фолькер Вікера, згодна з якім нямецкія жаўнеры будуць патрэбныя для абслугоўвання самалётаў і караблёў, піша РБК. Ён мяркуе, што цяпер нямецкім вайскоўцам не варта браць удзел у авіяналётах. «З вайсковага пункту гледжання разумна тое, што неабходна. У гэтым выпадку гэта наш патэнцыял у вайсковай выведцы», - сказаў Вікер.

З ягоных слоў, нямецкія ВПС таксама могуць адправіць у Сірыю ад 4 да 6 самалётаў-разведчыкаў «Тарнада». Яны могуць быць размешчаныя ў двух месцах - на базе ЗША блізу горада Інджырлік (Турцыя) і ў сталіцы Іарданіі Амане.

Як адзначае Die Welt, нямецкі кантынгент у Сірыі можа стаць найбуйнейшым за межамі ФРГ цяпер.

Раней паведамлялася, што Нямеччына накіруе ў Сірыю самалёт-выведнік «Тарнада» для падтрымкі Францыі ў барацьбе з тэрарыстычнай групоўкай «Ісламская дзяржава». Бэрлін таксама гатовы даць адзін вайсковы карабель, самалёты-запраўшчыкі і забяспечваць хаўруснікаў выведзвесткамі, якія атрымліваюцца са спадарожнікаў.

У канцы лістапада прадстаўнікі парламенцкай большасці, сябры партый Хрысціянска-дэмакратычны саюз Нямеччыны (ХДС) і Сацыял-дэмакратычная партыя Нямеччыны (СДПГ) выказаліся за ўступленне ФРГ у барацьбу з тэрарыстычнай групоўкай «Ісламская дзяржава» ў Сірыі.