На мяжы Македоніі і Грэцыі адбыліся сутыкненні паміж паліцыяй і ўцекачамі

• 28.11.2015, 19:10

Паліцыя Македоніі ўжыла светлавыя гранаты для разгону мігрантаў.

Македонская паліцыя была вымушаная ўжыць светлашумавыя гранаты супраць імігрантаў на мяжы Македоніі і Грэцыі пасля таго, як прыкладна 250 уцекачоў прыняліся закідваць варту правапарадку камянямі, паведамляе «Інтэрфакс» са спасылкай на агенцтва Associated Press.

Агенцтва адзначае, што паліцыянты, пераследуюць удзельнікаў беспарадкаў, што перасеклі мяжу і апынуліся на тэрыторыі Грэцыі.

Беспарадкі пачаліся пасля таго, як адзін з уцекачоў залез на дах чыгуначнага вагона і дакрануўся да кабеля пад высокай напругай. У выніку імігрант атрымаў моцныя апёкі і быў шпіталізаваны.

Раней паведамлялася, што ў суботу войска Македоніі пачало будаўніцтва загарод на мяжы з Грэцыяй, каб стрымаць паток нелегальных мігрантаў, якія спрабуюць патрапіць у ЕЗ.

Дэбаты ў пытанні аховы межаў у Еўропе ўзмацніліся пасля серыі нападаў у Парыжы 13 лістапада.