На ліпавых даведках у Менску трапіліся 70 безбілетнікаў

• 27.11.2015, 9:17

Вынікам маніпуляцый з дакументамі, якія даюць навучэнцам права бясплатнага праезду ў грамадскім транспарце, стала прыцягненне да крымінальнай адказнасці.

Як расказала карэспандэнту агенцтва «Мінск-Навіны» памочніца Менскага транспартнага пракурора Марына Фанкоўская, за 10 месяцаў гэтага года ў зоне аператыўнага абслугоўвання УУС па ахове Менскага метрапалітэна зарэгістравана 285 злачынстваў, з іх 164 (летась 131) - гэта падробка дакументаў, якія даюць права на льготны праезд. Фальшыўкі канфіскаваныя супрацоўнікамі міліцыі. Пры гэтым у 70 выяўленых выпадках выкарыстоўваліся падробленыя даведкі розных устаноў адукацыі сталіцы. За 2014 устаноўлена 88 фактаў прымянення такіх фальшывых дакументаў.