Прэм'ер Нідэрландаў: Няма ніякіх сігналаў для зняцця санкцый з Расеі
- 26.11.2015, 18:49
Цяпер няма падстаў для спынення санкцый з боку Еўрапейскага Звязу ў дачыненні да Расеі.
Пра гэта заявіў прэм'ер-міністр Нідэрландаў Марк Рутэ на супольнай прэс-канферэнцыі з прэзідэнтам Украіны Пятром Парашэнкам ў Гаазе, інфармуюць "Украінскія навіны".
"Пакуль няма ніякіх сігналаў для зняцця санкцый", - заявіў прэм'ер.
Рутэ падкрэсліў, што ЕЗ чакае імплементацыі дамоўленасцяў, дасягнутых у Менску, сторанамі, якія іх падпісалі.
Разам з тым прэм'ер адзначыў, што пытанне выканання "менскіх дамоўленасцяў" стаіць асобна ад пытанняў супрацоўніцтва з Расеяй у барацьбе з тэрарыстычнай арганізацыяй "Ісламская дзяржава".