Фотафакт: Рэканструкцыя «Дынама» з вышыні птушынага палёту

• 25.11.2015, 14:32

Новае фота, на якім выяўлены менскі стадыён «Дынама», зробленае 24 лістапада.

Здымак апублікаваны ў гасцявой кнізе заўзятараў сталічнага футбольнага клуба карыстальнікам з мянушкай «A1eks», піша «Трыбуна».

Нагадаем, рэканструкцыю стадыёна абяцаюць закончыць да 2019 года. У выніку мадэрнізацыі ён павінен ператварыцца ў лёгкаатлетычны комплекс, здольны прымаць міжнародныя спаборніцтвы самага высокага ўзроўню.