Самалёт з прэзідэнтам Эстоніі на борце аварыйна прызямліўся ў Бэрліне
- 18.11.2015, 19:28
Самалёт Airbus A320 авіякампаніі Lufthansa, які ляцеў з Франкфурта ў Талін рэйсам LH882, здзейсніў аварыйную пасадку ў Бэрліне.
На борце паветранага судна знаходзіўся прэзідэнт Эстоніі Тоомас Хендрык Ільвес, а таксама супрацоўнікі ягонай канцылярыі. Пра гэта паведамляе rus.DELFI.ee.
Як удакладняецца, самалёт павінен быў прыбыць у аэрапорт Таліна а 16:50 паводле мясцовага часу (17:50 менскага), але на паўдарозе павярнуў назад і аварыйна прызямліўся ў сталіцы Нямеччыне. На сайце Талінскага аэрапорта паказана, што самалёт прызямліўся а 15:53 (16:53 менскага) у Бэрліне.
Як растлумачыў выданню прадстаўнік Талінскага аэрапорта Лаўры Лінамяэ, прычынай аварыйнай пасадкі стала трэшчына ў лабавым шкле. «Гэта не з'яўляецца вельмі катастрафічна, але гэта тэхнічная паломка, з якой не варта рызыкаваць», - сказаў ён.
Самалёт паспяхова прызямліўся ў аэрапорце Бэрлін - Тэгель, і пасажырам не пагражае небяспека, але ім давядзецца пачакаць нявызначаную колькасць часу ў сувязі з пошукам рэйса на замену.
Са слоў відавочцы, праз адчыненыя дзверы ў кабіне пілота было відаць, што лабавое шкло кабіны цалкам у расколінах.