Дэманстрацыі ў Парыжы ды прыгарадах забароненыя

• 14.11.2015, 14:58

Французская паліцыя ў сувязі з тэрактамі ў Парыжы забараніла дэманстрацыі ў самой сталіцы і прылеглых да яе дэпартаментах.

Пра гэта паведамляе прэфектура паліцыі Парыжа ў "Твітэры", піша УНІАН.

Паводле паведамлення, забарона на правядзенне дэманстрацый у публічных месцах уведзеная ў Парыжы і яго наваколлях О-дэ-Сэн (92), Сэн-Сэн-Дэні (93) і Валь-дэ-Марн (94).

Неўзабаве пасля гэтага паведамлення было абвешчана аб распаўсюдзе забароны і на дэпартаменты Сена і Марна (77), Івелін (78), Эсон (91) і Валь-д'Уаз (95), дзе размешчаныя далёкія прыгарады Парыжа.