Заўтра Беларусь наведае кіраўнік МЗС Літвы
- 11.11.2015, 16:46
Міністр замежных спраў Беларусі Уладзімір Макей 12 лістапада правядзе сустрэчу з міністрам замежных спраў Літвы Лінасам Лінкявічусам.
Пра гэта БелТА паведамілі ў прэс-службе беларускага МЗС.
Сустрэча пройдзе ў МЗС Беларусі падчас рабочага візіту ў Беларусь міністра замежных спраў Літвы.
Праграму сустрэчы МЗС не анансаваў.
Нагадаем, што нядаўна міністр замежных спраў Літвы Лінас Лінкявічус заявіў, што размяшчэнне расейскай вайсковай авіябазы ў Беларусі пагражае інтарэсам нацыянальнай бяспекі Літвы.