Ацяпленне ў Менску ўключылі не ўсім

• 9.10.2015, 16:28

Праблемы з камунікацыямі абяцаюць развязаць да 10 кастрычніка.

Учора ўвечары ў дзвюх трэцяў менчукоў батарэі сталі цёплымі. Толькі ў адзінкавых выпадках пры падключэнні дамоў да ацяплення назіраліся праблемы з камунікацыямі, паведамляе «Інтэрфакс» са спасылкай на гендырэктара ГА «Мінская гарадская жыллёвая гаспадарка» Віталя Смірнова.

Падключэнне жылога фонду Менска плануецца скончыць 10 кастрычніка.

Таксама будуць забяспечаныя цяплом будынкі, дзе знаходзяцца выбарчыя ўчасткі.