Урад Японіі сышоў у адстаўку

• 7.10.2015, 9:30

Урад Японіі на сваім экстраным пасяджэнні ў поўным складзе падаў прэм'ер-міністру прашэння аб адстаўцы.

Неабходнасць абнавіць склад кабінета міністраў паўстала пасля таго, як у канцы верасня Сіндзо Абэ быў пераабраны на пасаду лідара кіруючай партыі на новы тэрмін, што аўтаматычна дазваляе яму ўзначальваць урад краіны яшчэ тры гады, паведамляе РІА «Новости».

У сярэдзіне дня генеральны сакратар урада абвесціць новы склад Кабінета міністраў. Увечары міністры новага кабінета пройдуць цырымонію зацвярджэння імператарам, пасля чаго Сіндзо Абэ дасць прэс-канферэнцыю, дзе раскажа аб галоўных задачах свайго кабінета.