Брамнік бельгійскага клуба адбіў тры пенальці за матч

• 6.10.2015, 10:44

Галкіпер бельгійскага футбольнага клуба «Мехелен» Жан-Франсуа Жыле адбіў тры пенальці ў выязной сустрэчы 10-га тура чэмпіянату краіны супраць «Андэрлехта».

Пра гэта паведамляе Twitter агенцтва спартыўнай статыстыкі Infostrada.

На сёмай хвіліне сустрэчы 36-гадовы брамнік адбіў удар у выкананні Дэрыса Праета, праз сем хвілін падолець Жыле з 11-метровай адзнакі не змог Стэфана Акака Чука. Трэці пенальці галкіпер адбіў за хвіліну да канца асноўнага часу матчу. Удар выконваў Юры Тылеманс. Акрамя трох адбітых удараў з 11-метровай адзнакі, Жыле падчас матчу зрабіў тры прыгожыя сэйвы, піша Lenta.ru.

Сустрэча, якая прайшла ў Брусэлі, завяршылася з лікам 1:1. У складзе «Андэрлехта» на 55-й хвіліне вызначыўся Акака Чука. Адысці ад паразы «Мехелен» змог на чацвёртай кампенсаванай хвіліне, калі мяч у свае брамы адправіў абаронца брусельскай каманды Кара Мбоджы.

«Андэрлехт» займае трэцяе месца ў чэмпіянаце Бельгіі, у актыве каманды 19 балаў. «Мехелен» з дзевяццю баламі займае 13 радок.