BE RU EN

Кіраўнік КДБ распавёў Лукашэнку аб масавых арыштах у Берасці

  • 21.10.2015, 9:07

19 кастрычніка ў Берасці затрымана 13 асоб з ліку арганізатараў такой дзейнасці - заснавальнікаў і кіраўнікоў ЗАТ «Консул».

Пра гэта 20 кастрычніка паведаміў Аляксандру Лукашэнку падчас дакладу старшыня КДБ Валерый Вакульчык, паведамляе прэс-служба дыктатара.

ЗАТ «Консул» з'яўляецца адным з найбуйнейшых пастаўшчыкоў прадукцыі для аграпрамысловага комплексу краіны (замежныя харчовыя дабаўкі, шрот, дэзінфіцыруючыя сродкі, племянныя жывёлы, абсталяванне і іншыя).

«Выкарыстоўваючы больш за 40 падкантрольных фірмаў арганізатары выводзілі за мяжу валюту, ухіляліся ад выплаты падаткаў і рэалізоўвалі прадукцыю канчатковаму спажыўцу з завышэннем коштаў да трох разоў», - гаворыцца ў паведамленні.

У агульнай складанасці ў рамках расследавання справы «Консула» на тэрыторыі Беларусі праведзена 48 ператрусаў.

«Выяўленыя і канфіскаваныя 36 пячатак замежных кампаній, праз рахункі якіх ажыццяўлялася кіраванне ценявымі плынямі. Падчас ператрусаў канфіскаваны і накладзены арышт у агульнай складанасці больш чым на два мільёны даляраў. Акрамя таго, арышты накладзеныя на 106 аб'ектаў нерухомасці, больш за 100 легкавых і грузавых аўтамабіляў», - адзначаецца ў паведамленні.

Апошнія навіны