Печыва з «Тытаніка» прададуць з малатка за 15 тысяч даляраў

• 10.10.2015, 16:13

Крэкер знаходзіўся ў наборы для выжывання ў выратавальных шлюпках.

Печыва, якое перажыло катастрофу «Тытаніка», пойдзе з малатка не менш чым за 15 тысяч даляраў, піша «Новое время».

Печыва ацалела дзякуючы Джэймсу Фенвіку, пасажыру парахода «Карпація», які прыйшоў на дапамогу пацярпелым ад караблекрушэння. Крэкер знаходзіўся ў наборы для выжывання ў выратавальных шлюпках. Мужчына наважыў яго захаваць, таму паклаў у канверт для фатаграфій і падпісаў.

100-гадовае печыва будзе выстаўленае на таргі 24 кастрычніка ў аўкцыённым доме Henry Aldridge&Son.