Два выбухі прагрымелі ў цэнтры Анкары: не менш за 10 загінулых
- 10.10.2015, 12:08
Два выбухі прагрымелі на дарожнай развязцы ў цэнтральнай частцы сталіцы Турцыі Анкары.
Колькасць ахвяр і пацярпелых удакладняецца, паведамляе руская служба BBC.
Паводле звестак Турэцкага інфармацыйнага агенцтва Доган, у выніку выбуху загінула прынамсі 20 чалавек.
Паводле іншых ацэнак, загінулых больш за 10.
На фотаздымках, якія з'яўляюцца ў сацыяльных сетках, бачныя клубы дыму і целы загінулых, якія ляжаць на зямлі.
Як паведамляюць турэцкія СМІ, выбухі прагрымелі перад пачаткам прафсаюзнага антываеннага мітынгу.
Пра прычыны выбухаў і падрабязнасці інцыдэнту пакуль не паведамляецца.