Бостан прэтэндуе на правядзенне Алімпіяды ў 2024

• 9.01.2015, 19:50

Алімпійскі камітэт ЗША афіцыйна абвясціў Бостан горадам-прэтэндэнтам на правядзенне летніх алімпійскіх гульняў 2024 года.

Бостану была аддадзеная перавага перад Сан-Францыска, Лос-Анджэлесам і федэральнай акругай Вашынгтон. Цяпер заяўка павінна быць перададзеная ў Міжнародны алімпійскі камітэт, які ў 2017 годзе прыме пастанову аб месцы правядзення 33-х летніх алімпійскіх гульняў, перадае BBC.

Зацікаўленасць у правядзенні Алімпіяды-2024 выказалі яшчэ 12 краін.

Патэнцыйнымі канкурэнтамі з'яўляюцца Санкт-Пецярбург, Кіеў, Бэрлін, Стамбул, Мэльбурн, Найробі і Ёханэсбург.

У ЗША летнія алімпійскія гульні праводзіліся ўжо чатыры разы - апошні раз у 1996 годзе ў Атланце.