Віктару Шандаровічу забаранілі выступаць у Менску

• 8.01.2015, 12:55

Ідэолагі не дазволілі расейскаму пісьменніку і публіцысту выступіць у Беларусі.

Пра гэта Віктар Шандаровіч паведаміў у «Фэйсбуку».

«Нядаўна патэлефанавалі з Менска - і запрасілі там выступіць. Я сказаў: зразумела, але... І расказаў, што ў Беларусь як артыст - неўязны ўжо дванаццаць гадоў.

Антрэпрэнёр адказаў: часы мяняюцца. Я павіншаваў яго з гэтым. Мы дамовіліся, што ён атрымае дазвол на мае гастролі (у Беларусі ўсё афіцыйна), і мы стартуем.

Сённяшняя раніца пачалося з пахвальнага для мяне ліста:

«Віктар, я вас віншую! Ваша рэпутацыя непахісная. Можна толькі пазайздросціць. Сёння раніцай чыноўнік з ідэалагічнага аддзела гарвыканкама патэлефанаваў і паведаміў, што вы непажаданы артыст у нашай краіне. Я ад асобы сваёй кампаніі і мільёнаў нармальных беларусаў прыношу вам свае прабачэнні за гэты інцыдэнт. Жыццё доўгае, і мы спадзяемся, што наша сустрэча ўсё ж такі адбудзецца».

Я так нават не сумняваюся! Часы ж мяняюцца…» - напісаў ён.

Віктар Шандаровіч вядомы сваёй крытыкай расейскага і беларускага кіраўнікоў.

Фота: РІА «Новости»