На Каляды ў Менску назіралі «светлавыя слупы»

• 8.01.2015, 9:13

Уночы з 6 на 7 студзеня менчукі маглі стаць сведкамі рэдкай у нашых краях з'явы.

Ад усіх ліхтароў вертыкальна ўверх сыходзілі слупы святла, піша TUT.by.

Гэтая прыродная з'ява, адзін з тыпаў гало, часта можна ўбачыць у халодных рэгіёнах Расеі, ЗША і Канады, але ў Беларусі светлавыя слупы з'яўляюцца ў рэдкую марозную ноч. Такі аптычны падман атрымліваецца за кошт адлюстравання штучнага або натуральнага святла дробнымі ледзянымі крышталямі ў паветры і спалучэннем стэрэаэфекту.