«Хобіт» трэці тыдзень застаецца лідарам амерыканскага пракату

• 5.01.2015, 18:12

Фінальная частка трылогіі Пітэра Джэксана «Хобіт: бітва пяці войскаў» ужо трэці тыдзень утрымлівае пазіцыі лідара ў амерыканскім пракаце.

Пра гэта паведамляе Associated Press.

Адзначаецца, што карціна сабрала за апошнія выходныя амаль $21,9 млн. Усяго з моманту выхаду фільма ў пракат было сабрана больш за $220 млн., піша «Газета.Ru».

Раней паведамлялася, што ў першы дзень пракату ў ЗША карціна сабрала $11,2 млн.

Фільм «Хобіт: бітва пяці войскаў» стартаваў 17 снежня ў 3,1 тыс. амерыканскіх кінатэатраў.