Яцэнюк і Мэркель правядуць перамовы 8 студзеня
- 5.01.2015, 15:52
Федэральная канцлерка Нямеччыны правядзе сустрэчу з прэм'ер-міністрам Украіны.
Яна адбудзецца 8 студзеня ў Берліне. Пра гэта паведамляе прэс-служба нямецкага ўрада, піша «Карэспандэнт».
Прэм'ер Украіны Арсеній Яцэнюк адправіцца ў сталіцу Нямеччыны на чале ўрадавай дэлегацыі з афіцыйным візітам 7 студзеня.
Прэс-служба адзначае, што бакі абмяркуюць пытанні еўрапейскай палітыкі, а таксама канфлікт паміж Кіевам і Масквой.
Нагадаем, сёння ў Берліне пачалася сустрэча прадстаўнікоў міністэрстваў замежных спраў краін так званай «нармандскай чацвёркі» - Расеі, Нямеччыны, Францыі і Украіны - ва ўрэгуляванні сітуацыі ў Данбасе.