Дызайнеры Valentino здзівілі Парыж беларускімі вышыванкамі

• 31.01.2015, 19:37

Калекцыя, прадэманстраваная на Тыдні моды Haute Couture, прысвечаная нашаму земляку Марку Шагалу.

Дызайнеры Valentino Пьерпаола Пічолі і Марыя-Грацыя К’юры адлюстравалі тэму вёскі, любімую Шагалам, у строях, якія нагадвалі беларускія вышыванкі. Калекцыя, прысвечаная мастацтву і любові (Шагал усё жыццё заставаўся верным адзінай музе), закахала ў сябе гледачоў - і ідэяй, і выкананнем, піша «Салiдарнасць».

«Шагал пражыў дзіўнае жыццё, вельмі няпростае, і заўсёды захоўваў аптымістычныя погляды», - падзяліўся з журналістамі пасля заканчэння шоў Пьерпаола Пічолі.