Пэрыс Хілтан: У мяне разрываецца сэрца праз той жах, што адбываецца ва Украіне
- 31.01.2015, 13:14
Амерыканская свецкая ільвіца Пэрыс Хілтан прызналася, што сочыць за сітуацыяй ва Украіне.
Як паведамляе ТСН, вядомая бландынка, якая ўжо некалькі разоў прыязджала ва Украіну з канцэртамі, распавяла, што сітуацыя ў краіне яе вельмі хвалюе і назвала гэта «кашмарам».
«Кожны павінен мець магчымасць жыць свабодна, быць шчаслівым. Жыць тым жыццём, якога хоча, а не быць пад кантролем кагосьці іншага. Тое што адбываецца ва Украіне - гэта проста жах. Я не магу паверыць, што такое магло здарыцца. У мяне проста разрываецца сэрца. Я шлю ўкраінцам свае самыя шчырыя пажаданні і малітвы», - пракаментавала Хілтан.
Нагадаем, раней шматлікія сусветна вядомыя зоркі падтрымалі Украіну. У прыватнасці, актор Джордж Клуні запісаў відэазварот да ўкраінцаў яшчэ падчас Еўрамайдану.