Жыхар Чарапаўца сыграў у эфіры Lifenews украінскага прызыўніка
- 31.01.2015, 10:31
18-гадовы жыхар Чарапаўца Валагодскай вобласці РФ Мікіта Берлізаў у эфіры прапагандысцкага канала «Lifenews» сыграў ролю ўкраінскага прызыўніка, які нібыта не хоча ваяваць на Данбасе супраць сепаратыстаў.
Як паведамляе Украінская праўда, ні хлопец, ні тэлевядучы імаверна не ведалі, што прызыў у войска ва Украіне паводле новага заканадаўства пачынаецца з 20 гадоў.
«Улетку Мікіту прыйшла позва аб прызыве ў войска. На сямейнай нарадзе наважылі, што аб службе ў войску ва Украіне не можа быць і гаворкі. Цяпер малады чалавек пачаў новае жыццё ў Расеі ў статусе часовага перасяленца», - паведамляецца на сайце канала.
Пры гэтым, у расейскай сацыяльнай сетцы ёсць старонка Мікіты Берлізава, на якой паказана, што ён з'яўляецца жыхаром горада Чарапавец.