Перад падзеннем AirAsia лайнерам кіраваў другі пілот

• 29.01.2015, 11:16

Перад катастрофай самалёта кампаніі AirAsia у яванскім моры кіраванне паветраным суднам узяў на сябе другі пілот.

Пра гэта, як паведамляе Reuters, паведаміў галоўны следчы Нацыянальнага камітэта ў бяспецы на транспарце Інданэзіі Марджона Сісвасуварна (Mardjono Siswosuwarno).

З ягоных слоў, піша Lenta.ru, лайнер знаходзіўся ў спраўным стане, і ўсе сябры экіпажа былі дапушчаныя да палётаў. Сісвасуварна таксама адзначыў, што дакладную карціну пра тое, што стала прычынай катастрофы самалёта, далі бартавыя самапісцы аэробуса.

Чорная скрыня была знойдзеная 11 студзеня па сігналах, што былі ад як, прыкладна за кіламетр ад таго месца, дзе раней быў знойдзены хвост самалёта.

Самалёт Airbus A320, які выконваў 28 снежня рэйс з інданэзійскага Сурабая ў Сінгапур, неўзабаве пасля вылету знік з экранаў радараў, не падаў папярэдне сігналаў бедства. На ягоным борце знаходзіліся 162 чалавекі, усе яны загінулі. Праз два дні інданэзійскія ВПС выявілі ў яванскім моры абломкі самалёта. Усяго са дна паднялі 70 цел пасажыраў пацярпелага лайнера.