Экс-прэзідэнта Панамы падазраюць у карупцыі

• 29.01.2015, 10:09

Вярхоўны суд Панамы прыняў пастанову пачаць антыкарупцыйнае расследаванне ў дачыненні да былога прэзідэнта краіны Рыкарда Мартынелі.

Шэраг былых чыноўнікаў назвалі яго адказным за падпісанне кантракту на набыццё прадуктаў харчавання ў суме 45 млн даляраў у рамках урадавай праграмы. Як высветлілася, угода была рэалізаваная з сур'ёзнымі парушэннямі нормаў, якія дзейнічаюць у краіне, паведамляе BBC.

Рыкарда Мартынелі адмаўляе абвінавачванні ў свой адрас, заяўляючы, што ён падвяргаецца палітычнаму пераследу з боку дзеючага прэзідэнта Хуана Карласа Варэла.

Цяпер Мартынелі знаходзіцца ў Гватэмале, але сцвярджае, што не збіраецца хавацца ад правасуддзя.

Рыкарда Мартынелі займаў пасаду прэзідэнта Панамы з 1 ліпеня 2009 года да ліпеня 2014 года. На гэтай пасадзе яго змяніў Хуан Карлас Варэла, які яшчэ ў 2011 годзе абвінавачваў кіраўніка дзяржавы ў карупцыі.