Беларускага святара ўзнагародзілі за ахвярнасць і любоў да Украіны

• 27.01.2015, 16:32

Патрыярх Філарэт узнагародзіў чальцоў грамадскага фармавання "Падольская Сеч" медалямі "За ахвярнасць і любоў да Украіны".

Сярод іншых узнагароду атрымаў кіраўнік прэс-цэнтра фармавання і каплан Сяргей Горбік, былы ўдзельнік менскай "Талакі".

Фармаванне стварылася яшчэ ў канцы сакавіка - пачатку красавіка 2014 года і пачало дапамагаць украінскім памежнікам. Яны не толькі збіралі матэрыяльную дапамогу, але і ўдзельнічалі ў баявых атрадах аховы межаў Украіны, піша podolskisich.org.