Пры пасадцы ў Багдадзе абстраляны самалёт лаўкостэра FlyDubai
- 27.01.2015, 14:59
Авіякампанія з ААЭ паведамляе аб абстрэле аднаго са сваіх пасажырскіх самалётаў пры заходзе на пасадку ў аэрапорт Багдаду.
Пры гэтым адзін пасажыр атрымаў кулявое раненне, яшчэ двое атрымалі лёгкія траўмы, паведамляе BBC.
Як паведамляюць прадстаўнікі бюджэтнага авіяперавозчыка, абстрэл адбыўся яшчэ ў панядзелак увечары.
Пры гэтым некалькі авіякампаній з ААЭ ўжо скасавалі ўсе рэйсы ў Багдад.
Заснаваная ў 2008 годзе FlyDubai пазіцыянуе сябе як лаўкостэр і лётае ў 80 кірунках з дубайскага аэрапорта.
Фота: Reuters