Украінскі баец Мікіта Крылоў выйшаў на турнір UFC у антывайсковай футболцы

• 24.01.2015, 13:55

Баец UFC Мікіта Крылоў падчас узважвання перад турнірам UFC Fight Night заклікаў скончыць вайну ва Украіне.

Баец самага папулярнага ММА-прамоўшэна UFC выйшаў на ўзважванне ў футболцы з надпісам «х#й вайне», заклікаўшы такім чынам спыніць баявыя дзеянні ва Украіне, паведамляе sovsport.ru.

Крылоў таксама ўклаўся ў ліміт паўцяжкай вагі (да 93 кг). Сёння ён правядзе бой у Стакгольме супраць Станіслава Нядкова.

Крылоў выступае ў змешаных адзінаборствах з 2012 года, правёў за гэты час 21 бой, у 17-м атрымаў перамогу. У UFC спартовец дэбютаваў у 2013-м, яго статыстыка ў амерыканскай арганізацыі складае 2-2.