Алег Кубараў: Выбіраць ў Беларусі асабліва не было з чаго

• 21.01.2015, 9:55

Беларускі трэнер, які ўзначаліў Кішынёўскую «Дачыю» сказаў, што годных прапаноў у роднай краіне ён не меў.

Таксама Алег Кубараў распавёў, як Уладзімір Журавель успрыняў пераход з галоўных трэнераў у памочнікі, піша «Прессбол».

- Вашым асістэнтам стаў Уладзімір Журавель, які працаваў на вельмі статуснай пасадзе галоўнага трэнера менскага «Дынама». Як ён успрыняў пераход у памочнікі?

- Гэта ў яго трэба спытаць. У нас з Уладзімірам Іванавічам даўно ўсталяваліся і працоўныя, і сяброўскія стасункі. І, так як я трохі старэйшы за яго, не бачу ў нашым падзеле абавязкаў падставы для нейкіх размоў.

- Вы даўно ўжо не працуеце ў Беларусі. Гэта ваш выбар ці варыянтаў не было?

- Не буду адмаўляць: былі. Але выбіраць асабліва не было з чаго.