На вуліцы Маякоўскага Toyota пераляцела праз раздзяляльную паласу

• 18.01.2015, 16:29

ДТЗ на менскай вуліцы Маякоўскага адбылося сёння раніцай.

Кіроўцы маглі бачыць яго наступствы, піша onliner.by.

Удзельнікам стала Toyota Prius. Аўтамабіль выехаў за межы праезнай часткі, заскочыў на бардзюр, апынуўшыся на раздзяляльнай паласе. Пасля гэтага аўто прабіла жалезную агароджу - пашкоджана некалькі пралётаў - і ў выніку апынулася на сустрэчнай паласе.