Кошт нафты Brent вырас да $49,4

• 16.01.2015, 16:03

Кошты нафты растуць у пятніцу пасля таго, як Міжнароднае энэргетычнае агенцтва панізіла прагноз сусветнай яе здабычы на 2015 год.

Сакавіцкія ф'ючэрсы нафты Brent на лонданскай біржы ICEFutures да 14:04 МСК выраслі ў цане на $1,15 (2,38%) - да $49,42 за барэль, піша finance.ua.

Цана ф'ючэрса нафты WTI на люты на электронных таргах Нью-ёркскай таварнай біржы (NYMEX) вырасла да гэтага часу на $0,76 (1,64%) - да $47,01 за барэль. Гэтая марка таннее 10-ы тыдзень запар (спад з панядзелка складае 1,4%), чаго не назіралася з 1986 года.

МЭА скараціла прагноз здабычы нафты ў краінах, якія не ўваходзяць у Арганізацыю краін-экспарцёраў нафты, на 350 тысяч барэляў у суткі (б/с) - да 57,5 млн б/с.

Тым часам прагноз попыту на нафту АПЕК у гэтым годзе павышаны на 300 тысяч б/з - да 29,2 млн б/з, з ростам у другой палове года да 29,8 млн б/з, што практычна адпавядае існаму ўзроўню квот картэлі.

"Рынак вельмі перакуплены і знаходзіўся ў чаканні найменшага сігналу для росту катыровак, - адзначыла старшы аналітык нафтавага рынку ў Energy Aspects Амрыта Сен. - МЭА выразна заявіла, што нізкія кошты нафты прывядуць да запаволення росту здабычы. Яны панізілі прагноз па Канадзе і Калумбіі і згадалі пра сланцавую нафту".

Нафта маркі WTI працягне таннець на наступным тыдні, мяркуе 21 з 40 апытаных Bloomberg аналітыкаў, і толькі адзінаццаць экспэртаў чакаюць росту катыровак.

Фота: Bloomberg