У Нью-Йорку арганiзавалi беларускую калядную ялiнку (Вiдэа)

• 12.01.2015, 15:37

11 студзеня ў Кафедральным саборы Кірылы Тураўскага ў Брукліне (Нью-Ёрк) адбылася калядная імпрэза.

Сёлета да дзяцей і дарослых завіталі сапраўдныя калядоўшчыкі: Алена Рыдзеўская (мастацкі кіраўнік і арганізатар), Ала Орса-Рамана, Андрусь Асадчы, Рая Бабаш, Марыя Нямера, Андрусь Падлескі, Аляксандра Турчанкова, Алена Дубавая, Валер Дворнік і Лявон Дудараў з традыцыйнымі каляднымі спевамі, танцамі і гульнямі, пiша «Наша нiва».

Самыя маленькія ўдзельнікі імпрэзы сёлета парадавалі Святога Мікалая шматлікімі беларускімі песнямі і вершамі і атрымалі за тое салодкія падарункі.