У Менску затрымалі незалежных журналістаў

• 4.09.2014, 9:11

Журналісты правялі тры гадзіны ў РУУС Фрунзенскага раёна.

У сераду міліцыянты затрымалі здымачную групу незалежных тэлежурналістаў. Гэта адбылося прыкладна а 18.30 непадалёк ад станцыі метро Каменная горка. Пра гэта сайту charter97.org паведамілі ў прэс-службе Беларускай асацыяцыі журналістаў.

Журналіст-фрылансер Вячаслаў Пяшко разам з калегам здымаў, як актывісты аргкамітэта ў стварэнні партыі «Беларуская хрысціянская дэмакратыя» збіраюць подпісы грамадзян пад зваротам у пракуратуру на прадмет праверкі на экстрэмізм і забарону трансляцыі ў Беларусі расейскіх тэлеканалаў.

Амаль праз тры гадзіны пасля затрымання журналістаў вызвалілі з аддзялення міліцыі. Як паведаміў Пяшко, у РУУС іх апыталі, але пратаколаў аб адміністрацыйным правапарушэнні супраць іх не складалі.