Расея сцягнула да мяжы з Украінай вайсковыя падраздзяленні з Паўночнай Асеціі і Пскова

• 30.09.2014, 14:28

Расея працягвае сцягваць да ўкраінскай мяжы новыя падраздзяленні сваёго войска.

Пра гэта на брыфінгу заявіў спікер інфацэнтра Рады нацыянальнай бяспекі і абароны Украіны Андрэй Лысенка.

«Паводле аператыўнай інфармацыі, у Растоўскай вобласці з'явіліся новыя расейскія падраздзяленні. Гаворка ідзе пра 100-ю асобную разведвальную брыгаду з Паўночнай Асеціі, разведвальна-дыверсійныя групы са складу 2-й асобнай брыгады спецыяльнага прызначэння ГРУ ГШ ВС РФ (з Пскоўскай вобл.) і 22-ю брыгаду спецназа, якая падпарадкоўваецца галоўнай выведцы Генштаба ВС РФ», - распавялі ў РНБА.